"ახლა რომ გავჩუმდე, მერე საკუთარ თავს არ ვაპატიებ" - რას წერს კახა კუჭავას მოსკოველი მეუღლე
პარლამენტის ყოფილი თავჯდომარის კახა კუჭავას მეუღლე ელიზავეტა ოსმინინა მოსკოვში დაიბადა და გაიზარდა. ქართველ მეუღლეზე დაქორწინების შემდეგ კი წლებია საქართველოში ცხოვრობს. ლიზას საკუთარი ტურისტული სააგენტო აქვს და პოპულარიზაციას უწევს საქართველოს სხვადასხვა კუთხეებს...
რუსეთ-უკრაინის ომს ლიზა სოციალურ ქსელში საკუთარ გვერდზე გამოეხმაურა. ქალი წერს, რომ ამ მძიმე დღეებში ყველა სტრესშია.
ელიზავეტა ოსმინინა:
"ჩემ მიერ გამოქვეყნებულ პოსტებს ყოველთვის პასუხისმგებლობით ვეკიდები და მომავალშიც ასე იქნება. მესმის რამდენი ადამიანი კითხულობს და ყოველთვის ვაფასებ თითოეულ სიტყვას წერისას ან ხელახლა გამოქვეყნებამდე.
არ შემიძლია ჩუმად ვიყო ან ჩვეულებრივი შინაარსის პოსტები გამოვაქვეყნო. არ შემიძლია თავი მოგაჩვენოთ, რომ არაფერი ხდება და ეს მე არ მეხება. ახლა რომ გავჩუმდე, მერე საკუთარ თავს არ ვაპატიებ. ამავდროულად, მე არ ვადანაშაულებ მათ, ვინც ჩუმად არიან, ჩვენ ყველანი სხვადასხვანაირად ვუმკლავდებით სტრესს.
და ახლა ყველა სტრესშია, ჩვენ ყველას გვტკივა ... ეს ყველაფერი მტკივნეული და საშინელია.
დღეს ძალიან მინდოდა ტაძარში წასვლა, მაგრამ გუშინ კოვიდი დამიდასტურდა. როგორც ამბობენ - კიდევ ერთხელ გამარჯობა.
ჩაეხუტეთ თქვენს ოჯახს და მეგობრებს, მიწერეთ ან დაურეკეთ თქვენს მეგობრებს. გამოხატეთ ყურადღება და მხარდაჭერა, დაეხმარეთ მათ, ვისაც სჭირდებით, როგორც შეგიძლიათ. არ დაუშვათ სიძულვილი და ბრაზი თქვენს გულში.
და გახსოვდეთ, სიყვარული პირველ ადგილზეა. მე ყოველდღე ვლოცულობ მშვიდობისთვის".