რატომ შეწყდა რუსეთის სახელმწიფო ტელევიზიის პირდაპირი ტრანსლაცია?
რუსეთის სახელმწიფო ტელევიზიის პირდაპირი ტრანსლაცია შეწყდა მას შემდეგ, რაც ეთერში ბანერი წარწერით: "არა ომს, შეაჩერე ომი" გამოჩნდა.
როგორც BBC წერს, რუსეთში ფართოდ გავრცელებულ კადრებში, რომელიც მათ შორის სოციალური მედიის აპლიკაცია Telegram-ში გავრცელდა, პირველი არხის საინფორმაციო გადაცემა Vremya-ს დროს, ქალი ეთერში წამყვანის უკანა ფონზე ბანერით შედის .
"არ დაუჯეროთ პროპაგანდას, აქ გატყუებენ, რუსები ომის წინააღმდეგ", - წერია მის პლაკატზე.
მედიის ცნობით, პროტესტის მონაწილე, სახელად მარინა ოვსიანიკოვა, გავრცელებული ინფორმაციით, მაუწყებლის თანამშრომელია.
"ინტერპრესნიუსი"