"მოვუწოდებ მოკავშირეებს, თავი დაანებონ ყოყმანს, მიაწოდონ უკრაინას ყველაფერი, რაც მას სჭირდება, რადგან რაც არ უნდა უცნაურად ჟღერდეს, დღეს იარაღი ემსახურება მშვიდობის მიზანს" - კვირის პალიტრა

"მოვუწოდებ მოკავშირეებს, თავი დაანებონ ყოყმანს, მიაწოდონ უკრაინას ყველაფერი, რაც მას სჭირდება, რადგან რაც არ უნდა უცნაურად ჟღერდეს, დღეს იარაღი ემსახურება მშვიდობის მიზანს"

უკრაინის საგარეო საქმეთა მინისტრმა გამოაქვეყნა "ძალიან მარტივი" მოწოდება ნატო-ს ქვეყნებიდან მეტი იარაღის მიწოდების შესახებ.

ნატო-ს კოლეგებთან პირადად შეხვედრის წინ, დმიტრო კულება ამბობს, რომ მისი დღის წესრიგი „მარტივია“ და უკრაინა დარწმუნებულია, რომ რუსეთის დამარცხების საუკეთესო გზა მეტი სამხედრო მხარდაჭერაა.

კულება ნატო-ს საგარეო საქმეთა მინისტრებს ბრიუსელში სამიტზე ხვდება, რათა განიხილონ, თუ როგორ უნდა შეაიარაღონ უკრაინა რუსეთის განახლებული სამხედრო თავდასხმების წინააღმდეგ, რომელიც ქვეყნის აღმოსავლეთშია მოსალოდნელი.

შეხვედრის დაწყებამდე ჟურნალისტებთან საუბრისას მან განაცხადა, რომ იარაღის „საკმარისი მარაგის“ გარეშე უკრაინის გამარჯვებას „უზარმაზარი მსხვერპლი“ მოჰყვება.

კულებამ დასძინა, რომ რაც უფრო მალე მიიღებენ მარაგს, მით მეტი ადამიანის სიცოცხლე, ქალაქები გადარჩება ისეთი განადგურებისგან, როგორიც მსოფლიომ ბუჩაში იხილა.

"მოვუწოდებ ყველა მოკავშირეს, თავი დაანებონ ყოყმანს, სურვილის ნაკლებობას, მიაწოდონ უკრაინას ყველაფერი, რაც მას სჭირდება, რადგან რაც არ უნდა უცნაურად ჟღერდეს, დღეს იარაღი ემსახურება მშვიდობის მიზანს“, - განაცხადა უკრაინის საგარეო საქმეთა მინისტრმა დმიტრო კულებამ.

IPN