"საქართველოს ხელისუფლება გასაკვირად ადეკვატურად იქცევა... სააკაშვილი თავად დააკავეს, სანქციებს მხარი არ დაუჭირეს" - რას წერს მარგარიტა სიმონიანი - კვირის პალიტრა

"საქართველოს ხელისუფლება გასაკვირად ადეკვატურად იქცევა... სააკაშვილი თავად დააკავეს, სანქციებს მხარი არ დაუჭირეს" - რას წერს მარგარიტა სიმონიანი

ცნობილი რუსი ჟურნალისტი მარგარიტა სიმონიანი, რომელიც კრემლის პოლიტიკის ღია მხარდამჭერია, "ტელეგრამის" პირად გვერდზე წერს, რომ საქართველოს ამჟამინდელი მთავრობა ადეკვატურად იქცევა:

"საქართველოს ამჟამინდელი ხელისუფლება ამ სიტუაციაში გასაკვირად ადეკვატურად იქცევა.

სააკაშვილი, რომელიც ჩვენს მშვიდობისმყოფელებს ესვროდა, თავადვე დააკავეს, არც სანქციებს შეუერთდნენ, რიტორიკაც უფრო მშვიდი აქვთ, ვიდრე ზოგიერთ ჩვენს ОДКБ-ს წევრს.

ხომ არ გაგვეუქმებინა მათთან საჰაერო კავშირებზე აკრძალვა? ისინი ამას ძალიან ელიან", - წერს სოციალურ ქსელში სიმონიანი.

აღსანიშნავია, რომ ამ პოსტით სიმონიანი "სპუტნიკ საქართველოს" ცნობას ეხმაურება, სადაც აღნიშნულია, რომ "საქართველოს ხელისუფლება არ განიხილავს ოპოზიციის ინიციატივას ბუჩაში მოწყობილი პროვოკაციის გენოციდად აღიარების შესახებ". (წყარო)

იხილეთ ასევე: "შიშით ვიხსენებთ 90-იან წლებს, როგორ ვცხოვრობდით პუტინამდე" - სად და როგორ იზრდებოდა კრემლის მეხოტბე მარგარიტა სიმონიანი