"ამ კონფლიქტის შეჩერება მხოლოდ შენს ხელს შეუძლია, ზუსტად იმ ხელს, რომელიც 2017 წელს ჩამომართვი" - პელეს ემოციებით სავსე მიმართვა პუტინს
ლეგენდარულმა ბრაზილიელმა ფეხბურთელმა პელემ "ინსტაგრამზე" წერილი გამოაქვეყნა და რუსეთის პრეზიდენტს, ვლადიმერ პუტინს უკრაინასთან ომის შეწყვეტა სთხოვა.
81 წლის პელე, რომელიც ამჟამად სიმსივნეს ებრძვის, პუტინის სისასტიკეზე თვალს არ ხუჭავს და ასრულებს დადებულ პირობას, რომ ყოველთვის აიმაღლოს ხმა უსამართლობის წინააღმდეგ და მშვიდობისთვის იბრძოლოს.
პელე აღნიშნავს, რომ წერილი იმავე დღეს დაწერა, როცა ფეხბურთის მსოფლიო ჩემპიონატის შესარჩევ ეტაპზე უკრაინის გუნდმა შოტლანდია 3-1 დაამარცხა (მატჩი გუშინ, პირველ ივნისს გაიმართა).
"დღეს უკრაინა ცდილობს, რომ 90 წუთის განმავლობაში მაინც დაივიწყოს ის ტრაგედია, რომელიც მათ ქვეყანას შთანთქავს. მსოფლიო თასისთვის ბრძოლა თავისთავად რთული მისიაა, თითქმის შეუძლებელიც კი, როცა ამდენი სიცოცხლე ბეწვზე ჰკიდია", - წერს პელე.
როგორც პელე აღნიშნავს, ეს კონფლიქტი გაუმართლებელია და ხალხისთვის ტანჯვის, შიშის და ტერორის მეტი არაფერი მოაქვს:
"ომები მხოლოდ იმისთვისაა, რომ ერები ერთმანეთს დაშორდნენ და არ არსებობს იდეოლოგია, რომელიც ბავშვების ოცნებების რაკეტებით დამარხვას, ოჯახების განადგურებას და უდანაშაულო ადამიანების მოკვლას გაამართლებს.
8 ათწლეულია ვცხოვრობ და ვნახე ომები, მოვისმინე სიძულვილის ენა, რომლითაც უხერხემლო ლიდერები, ვითომდა ერის დაცვის მიზნით, საძაგლობებს ქადაგებდნენ. ეს უნდა შევწყვიტოთ და განვვითარდეთ.
როცა ჩვენ (გულისხმობს პუტინს) წარსულში შევხვდით და ერთმანეთს ღიმილით ჩამოვართვით ხელი, თავში აზრადაც არ გამივლია, რომ ერთ დღესაც ასე დავიყოფოდით. გააგრძელეთ კითხვა