ვალერი მელაძემ ეკატერინბურგში, დახურულ კონცერტზე იმღერა, გამოსვლა მკაცრად იყო გასაიდუმლოებული - რატომ აღშფოთდნენ რუსი პროპაგანდისტები?
ვალერი მელაძემ 14 ივნისს, ეკატერინბურგში გამართულ კონცერტზე იმღერა. ამ დღეს რუსეთში ზაფხულისა და რუსეთის დღეს აღნიშნავდნენ. მომღერალმა სცენაზე თავისი მუსიკალური შემოქმედებიდან ოთხი ჰიტი: "Самба белого мотылька", "Тропикана-женщина", "Красиво", "Небеса" შეასრულა.
აღსანიშნავია, რომ რუსი პროპაგანდისტები აღშფოთებულები არიან მელაძის საქციელით. მათ მიაჩნიათ, რომ ხელოვანი სარგებელს იღებს იმ ქვეყნის მოქალაქეებისგან, რომელთა ქმედებებსაც გმობს.
რუსული მედია წერს, რომ ვალერი მელაძის გამოსვლა მკაცრად იყო გასაიდუმლოებული და ღონისძიების ბილეთები არ გაიყიდა. როგორ ჩანს, ორგანიზატორებს და თავად შემსრულებელს კიდევ ერთი უარყოფითი ტალღის აგორება არ სურდათ. ასევე რუსული მედიის ინფორმაციით, რეალურად მელაძის გამოსვლა არც ზაფხულის დღეს მიეძღვნა და არც რუსეთს, სინამდვილეში ეს იყო კორპორატიული ღონისძიება, რომელიც ერთ-ერთი ფარმაცევტული ქსელის 25 წლის იუბილეს მიეძღვნა. შეგახსენებთ, რომ მელაძე ერთ გამოსვლაში 100 ათას დოლარამდე იღებს. გააგრძელეთ კითხვა