"კიევზე თავდასხმა, შესაძლოა ნატო-ს სამიტის წინ ჩადენილი სიმბოლური აგრესია იყოს"
ჩვენი ქალაქი განადგურებულია, განადგურებულია 220-ზე მეტი ბინა, სადაც ადამიანები ცხოვრებენ, მშვიდობიანი მოქალაქეები ცხოვრობენ, - ამის შესახებ კიევის მერმა, ვიტალი კლიჩკომ განაცხადა.
მისი თქმით, კიევზე დღეს მომხდარი თავდასხმა, შესაძლოა, ნატო-ს სამიტის წინ „სიმბოლურად“ ჩადენილი აგრესია იყოს.
„მათ თავდასხმა განახორციელეს ნატო-ს სამიტის წინ. ეს შეიძლება იყოს ამ დღეებში ჩადენილი სიმბოლური აგრესია. ეს სიმბოლური თავდასხმაა, რადგან ბოლო თავდასხმა კიევში გაეროს გენერალური მდივნის ვიზიტის დროს მოხდა“, - აღნიშნა კლიჩკომ.
შეგახსენებთ, კიევზე დღეს დილით რუსეთის მიერ განხორციელებულ სარაკეტო თავდასხმას მსხვერპლი მოჰყვა.
IPN