ალექსანდრ ლუკაშენკოს განცხადებით, უკრაინა ცდილობდა ბელარუსის სამხედრო ობიექტებზე სარაკეტო თავდასხმები განეხორციელებინა, თუმცა ყველა რაკეტის ნეიტრალიზება მოხდა
ბელარუსის პრეზიდენტის ალექსანდრ ლუკაშენკოს განცხადებით, უკრაინა ცდილობდა სარაკეტო თავდასხმები განეხორციელებინა ბელარუსის რესპუბლიკის სამხედრო ობიექტებზე, თუმცა ყველა რაკეტის ნეიტრალიზება მოხდა.
ლუკაშენკოს შეფასებით, უკრაინა ბელარუსის პროვოცირებას ცდილობს.
„ჩვენს პროვოცირებას ახორციელებენ. უნდა მოგახსენოთ: სამი დღის, შეიძლება ცოტა მეტის წინ უკრაინის ტერიტორიიდან ცდილობდნენ დარტყმა განეხორციელებინათ ბელარუსის სამხედრო ობიექტებზე. მაგრამ, მადლობა ღმერთს, ჰაერსაწინააღმდეგო კომპლექსებმა შეძლეს ყველა რაკეტის ნეიტრალიზება, რომელიც უკრაინის შეიარაღებული ძალების მიერ იყო გაშვებული“,- განაცხადა ლუკაშენკომ.
ამასთან, ბელარუსის პირველმა პირმა რუსეთის პრეზიდენტის ვლადიმერ პუტინის დასაცავად განაცხადა, რომ ის არავის დაშანტაჟებას არ ცდილობს ბირთვული იარაღით. ლუკაშენკომ ასევე აღნიშნა, რომ ოფიციალურ მინსკს უკრაინის წინააღმდეგ ბრძოლა არ სურს, თუმცა ბელარუსი და რუსეთი მზად უნდა იყვნენ შემდგომი დღე-ღამის განმავლობაში სარკისებურად უპასუხონ დასავლეთის აგრესიულ ქმედებებს.
„ისევე როგორც გასულ საუკუნეში, ამ პროცესების უკან დგას ისევ ის ცივილიზებული დასავლეთი, ევროპა, რომელიც ჯერ ზრდიდა მონსტრს, სახელად ფაშისტური გერმანია, შემდეგ კი თავის გადასარჩენად იმას ეკვროდა, ვისაც სულ ცოტა ხნის დამარცხებას უსურვებდა. ისტორია მეორდება, მოსტრებს უკრაინაში ზრდიან“,- განაცხადა ლუკაშენკომ.