"მეტის ღირსი არც ხარ, დარჩი მანდ" - მეგი გოგიტიძე კონცერტს მოსკოვში გამართავს
ბათუმელი შემსრულებელი მეგი გოგიტიძე 6 აგვისტოს Fantomas Rooftop-ში, "მოსკოვის გულში", როგორც მას რუსული მედია უწოდებს, კონცერტს გამართავს. ქართველ მომღერალს ოკუპანტ ქვეყანაში კიდევ ერთი კონცერტი აქვს დაგეგმილი, რომელიც სოჭში, 29 ივლისს გაიმართება.
რუსულ ვებგვერდზე, სადაც მომღერლის კონცერტის ანონსია გამოქვეყნებული, წერენ, რომ უნიკალური ქართველი მომღერალი "ერთგვარი ფენომენია" მუსიკალურ სამყაროში. "ქართული ეთნოსის განსაცვიფრებელი ნაზავი, მელოდიურობა და გულწრფელი პოეტური სტრიქონები, რომელიც მორგებულია თანამედროვე ჟღერადობაზე", - წერს რუსული მედია.
მეგის პოპულარობა რუსეთში სწრაფი ტემპით იზრდება, მან უკვე მოახერხა რამდენიმე კონცერტის ანშლაგით გამართვა მოსკოვსა და პეტერბურგში რუსული მედია ასევე წერს, რომ გოგიტიძეს გზა ოჯახის მეგობარმა ზურაბ წერეთელმა გაუკვალა და პრეჩისტენკაზე საკუთარ გალერეაში პირველი კონცერტის ჩასატარებლად დარბაზიც კი გამოუყო. გოგიტიძე რუსეთში მცხოვრებ ქართველ შემსრულებლებთანაც მეგობრობს.