"ვის ეყოფა სულის ძალა, ამ ტკივილს გაუმკლავდეს..." - ჩოხატაურში, მეთერთმეტე კლასის მოსწავლე დენის დარტყმის შედეგად გარდაიცვალა
ჩოხატაურში, მეთერთმეტე კლასელ დავით ხაბეიშვილს დენმა დარტყა და გარდაიცვალა.
ინფორმაციას “გურია ნიუსთან” ჩოხატაურის მუნიციპალიტეტის მერის წარმომადგენელი სოფელ დაბლაციხეში ლევან ცინცაბაძე ადასტურებს.
გამოცემის ცნობით, დენის დარტყმის შემდეგ, ბიჭი კლინიკაში გადაიყვანეს, თუმცა, კლინიკაში მიყვანისას, ფაქტობრივად, უკვე დაღუპული იყო.
დავით ხაბეიშვილი ჩოხატაურის ყოვლადწმიდა ღვთისმშობლის სამრევლო სკოლის მოსწავლე იყო.
“ჩემი გული, სკოლის ღირსება და თავმოწონება, სიკეთე და სიყვარული…
ვის ეყოფა სულის ძალა,ამ ტკივილს გაუმკლავდეს… ჩემო თბილო დადუჩია…” - წერს ნანა მგალობლიშვილი, სკოლის ქართული ენისა და ლიტერატურის მასწავლებელი.