ქეთა თოფურია ქმართან ერთად კახეთში - რა ფოტოს აქვეყნებს მომღერალი
მომღერალი ქეთა თოფურია ზაფხულს საქართველოში ატარებს. ქეთასთან ერთად საქართველოში იმყოფება მისი მეუღლე, ლევ ძენგოვი, რომელიც ჩეჩნეთის ლიდერის, რამზან კადიროვის მრჩეველია.
რამდენიმე დღის წინ მოძრაობა "სირცხვილიას“ აქტივისტმა მარიამ გეგუჩაძემ "ფეისბუქის" პირად გვერდზე გამოაქვეყნა ინფორმაცია და ფოტოები ძენგოვის საქართველოში ყოფნის შესახებ.
"კადიროველი" ძენგოვი, რომელსაც ოკუპაციის შესახებ კანონი აქვს დარღვეული (აფხაზეთში იყო რამდენჯერმე) ერთობა საქართველოში და უკრაინელ ჟურნალისტს, ანტიპუტინისტ გორდონს ეს მთავრობა საზღვრიდან აძევებს. აი, მეტი როგორ უნდა თქვას ამ მთავრობამ, რომ რუსია“, - წერდა გეგუჩაძე.
აღსანიშნავია, რომ ძენგოვის საქართველოში ყოფნას ამერიკელი კონგრესმენი, ადამ კინზინგერიც გამოეხმაურა. მან ტვიტერზე გააზიარა ინფორმაცია ძენგოვის საქართველოში ყოფნის შესახებ და დაწერა:"რუსეთის, როგორც რეგიონალური ძალის დღეები იწურება. საქართველოს მტკიცედ ვურჩევ, სერიოზულად მოეკიდოს ამას და რუსეთთან ფლირტი შეწყვიტოს", - წერდა კინზინგერი.