თეა წულუკიანს სასამართლო დავა კულტურის სამინისტროდან უკანონოდ გათავისუფლებულმა კიდევ ერთმა პირმა მოუგო
თეა წულუკიანს სასამართლო დავა კულტურის სამინისტროდან უკანონოდ გათავისუფლებულმა კიდევ ერთმა პირმა მოუგო.
ადვოკატი ვახტანგ ბარამაშვილი სოციალურ ქსელში აქვეყნებს თბილისის საქალაქო სასამართლოს გადაწყვეტილებას, რომლის თანახმად, მოსამართლემ გააუქმა კულტურის მინისტრის, თეა წულუკიანის 2021 წლის 1 ივლისის ბრძანება, მეორე კატეგორიის უფროსი სპეციალისტის გათავისუფლების შესახებ. სასამართლომ კულტურის სამინისტროს თანამშრომლის აღდგენა დაავალა.
"საქართველოს კულტურის, სპორტისა და ახალგაზრდობის სამინისტროს წინააღმდეგ ერთ-ერთი შრომითი დავა წარმატებით დავასრულეთ საქალაქოში. მოსამართლე ბაია ოტიაშვილმა სრულად გაიზიარა მოსარჩელის არგუმენტაცია და ყველა მოთხოვნა დააკმაყოფილა", - წერს ადვოკატი.
კულტურის სამინისტროს დაეკისრა სამსსახურში აღდგენის შემდეგ, თანამშრომელს გათავისუფლებიდან გადაწყვეტილების აღსრულებამდე, ყოველთვიური განაცდური აუნაზღაუროს.
"ინტერპრესნიუსი"