„ლუკოილის“ დირექტორთა საბჭოს თავმჯდომარე, რომელიც უკრაინაში ომს აკრიტიკებდა, საავადმყოფოს ფანჯრიდან გადავარდნის შედეგად გარდაიცვალა" - კვირის პალიტრა

„ლუკოილის“ დირექტორთა საბჭოს თავმჯდომარე, რომელიც უკრაინაში ომს აკრიტიკებდა, საავადმყოფოს ფანჯრიდან გადავარდნის შედეგად გარდაიცვალა"

რუსული ნავთობის უმსხვილესი კერძო მწარმოებლის, „ლუკოილის“ დირექტორთა საბჭოს თავმჯდომარე, რავილ მაგანოვი საავადმყოფოს ფანჯრიდან გადავარდნის შედეგად გარდაიცვალა.

რუსული საინფორმაციო სააგენტო Interfax-ის ცნობით, მაგანოვი მოსკოვის ცენტრალური კლინიკური საავადმყოფოს ფანჯრიდან გადავარდა. დასავლური მედია წერს, რომ „ლუკოილი“ ერთ-ერთია იმ მცირერიცხოვან რუსულ კომპანიებს შორის, რომელიც ღიად აკრიტიკებს რუსეთის უკრაინაში შეჭრას.

მარტში, კომპანიის დირექტორთა საბჭომ ხელისუფლებას "შეიარაღებული კონფლიქტის უმოკლეს დროში შეწყვეტისკენ" მოუწოდა და ყველა მსხვერპლის მიმართ თანაგრძნობა გამოხატა.

„ჩვენ მტკიცედ ვუჭერთ ცეცხლის შეწყვეტას და პრობლემების მოგვარებას სერიოზული მოლაპარაკებებისა და დიპლომატიის გზით“, - ნათქვამია კომპანიის მაშინდელ განცხადებაში.