დიდ დიღომში აფეთქების შედეგად დაშავებული ერთ წლამდე ბავშვი მართვით სუნთქვაზე იმყოფება - კვირის პალიტრა

დიდ დიღომში აფეთქების შედეგად დაშავებული ერთ წლამდე ბავშვი მართვით სუნთქვაზე იმყოფება

დიდ დიღომში აფეთქების შედეგად დაშავებული ერთ წლამდე ბავშვის მდგომარეობა კვლავ კრიტიკულად მძიმეა.

როგორც "ინტერპრესნიუსს" იაშვილის სახელობის ბავშვთა ცენტრალურ საავადმყოფოში განუცხადეს, ბავშვი რეანიმაციულ განყოფილებაში მართვით სუნთქვაზე იმყოფება.

შეგახსენებთ, დიდი დიღომში, ე.წ. ბენდუქიძის დასახლებაში აფეთქება 1-ელ სექტემბერს, გამთენიისას მოხდა. აფეთქების მიზეზი, სავარაუდოდ, ბუნებრივი აირის გაჟონვა გახდა. შემთხვევის შედეგად 3 ადამიანი დაშავდა, მათ შორის, დედა და მცირეწლოვანი შვილი.

IPN