"მამის თვალწინ დაიღუპა, ისიც დაყვებოდა ვარჯიშზე... დატოვა კიმონო ტატამზე და უფალთან გაფრინდა" - ვინ იყო 16 წლის ძიუდოისტი, რომელიც ვარჯიშის დროს გარდაიცვალა?
ახმეტაში, გუშინ ჭიდაობის დროს გარდაცვლილი არასრულწლოვანი 16 წლის ვასიკო სიხარულიძეა.
ტრაგედია სოფელ დუმასტურის დაბზაში მოხდა. არსებული ინფორმაციით, სოფელ ქისტაურში მცხოვრები მოზარდი დარბაზაში, ძიუდოში ვარჯიშობდა, რა დროსაც, ცუდი მანევრირების შედეგად, ქალა ფუძის ტრავმა მიიღო და გარდაიცვალა.
როგორც სოფელში ჰყვებიან, ბიჭი მამის თვალწინ დაიღუპა.
"ტრაგედია მოხდა, ვარჯიშის დროს გადატყდა ხერხემლის მალაში, მამაც შეესწრო ამ ყველაფერს - იქ იყო, თავად დაჰყავდა პანკისის ხეობაში ვარჯიშზე... მამის თვალწინ დაიღუპა. ისეთი საშინელება ხდებოდა..." - აღნიშნავს გარდაცვლილის ოჯახის ახლობელი.
მოზარდის გარდაცვალებას სოციალურ ქსელში ეხმიანება დავით მამულაშვილი.
"ვასიკო სიხარულიძე, ჩვენი ძაან სიმპატიური უმცროსი ძმა და ჩვენი ქართული ძიუდოს ოჯახის წევრი, უფალთან გაფრინდა, ზეციურ საქართველოში 8 სექტემბერს, დარბაზში ტატამზე.
️თბილი, უსაყვარლესი და ერთ-ერთი უჯიგრესი ახალგაზრდა ქართველი ძიუდოისტი, რომელიც ოცნებობდა ლაშა ბექაურივით ოლიმპიურ ჩემპიონობაზე, დატოვა მიწიერი საქართველო, დატოვა კიმონო ტატამზე, როგორც ნამდვილი მეომარი და უფალთან გაფრინდა მისი ნამდვილი ქართული ქრისტიანული სული.
️ეს, ქართული ძიუდოს ოჯახის უმძიმესი ტრაგედიაა, უდიდესი გამონაკლისი და ჩვენი გულის ტკივილი. ძიუდოს ფედერაციის პრეზიდენტი და მენეჯმენტი, შოკში არიან ამ საშინელი ტრაგედიის გამო.
და რა თქმა უნდა, ეს ყველაზე მეტად, უდიდესი სიმწარე და საშინელი ტრაგედიაა მისი მშობლების და ოჯახის წევრებისათვის, მისი მეგობრების და თანაკლასელებისათვის.
ვიზიარებ მთელი გულით ოჯახის მწუხარებას, ძიუდოს ფედერაციის და, ძიუდოს სამყაროს მწუხარებას. ღმერთმა ნათელში ამყოფოს ვასიკოს სული და ეს ყოფილიყოს პირველი და უკანასკნელი ასეთი ახალგაზრდა, მომავალი ქართველი ერის ტრაგიკული მომენტები“, - წერს დავით ავალიშვილი.