"გაერთიანებული სამეფო გააგრძელებს უკრაინის მხარდაჭერას, თქვენი უსაფრთხოება ჩვენი უსაფრთხოებაა"
ჩემი გზავნილი უკრაინელი ხალხის მიმართ ასეთია: გაერთიანებული სამეფო გააგრძელებს თქვენს მხარდაჭერას ყოველ ნაბიჯზე. თქვენი უსაფრთხოება ჩვენი უსაფრთხოებაა, - ამის შესახებ გაერთიანებული სამეფოს პრემიერ-მინისტრმა, ლიზ ტრასმა განაცხადა.
„ბოლო კვირების განმავლობაში უკრაინის გამარჯვებები შთამაგონებელი იყო. ეს მამაცი ხალხი აჩვენებს, რისი გაკეთება შეუძლიათ, როდესაც ისინი იღებენ საჭირო სამხედრო, ეკონომიკურ და პოლიტიკურ მხარდაჭერას“, - აღნიშნა ბრიტანეთის პრემიერმა.
მან ასევე გააკრიტიკა რუსეთის ქმედებები ენერგომომარაგებასთან დაკავშირებით.
„გაზსადენ “ჩრდილოეთის ნაკადის“ ჩაკეტვით, პუტინმა ევროპაში მილიონობით ადამიანი გაგზავნა უფრო ცივ და რთულ ზამთარში. ძალიან ბევრ ადამიანზე - უკრაინაში, ევროპასა და მთელ მსოფლიოში - მანიპულირებენ რუსულ ენერგორესურსებზე დამოკიდებულებით. ჩვენ ერთად უნდა ვიმუშაოთ, რომ ერთხელ და სამუდამოდ დავასრულოთ ეს“,- აღნიშნა ლიზ ტრასმა.
IPN