"ეშმაკი ხუანის“ ნაადრევად დასრულებული სიცოცხლე და შვილი, რომელიც მამის ასლია - ლეგენდარული სერიალის მსახიობის, ედუარდო პალომოს ტრაგიკული ცხოვრება
ლეგენდარული მექსიკელი მსახიობი ედუარდო პალომო ქართველებმა 90-იან წლებში, "ეშმაკი ხუანის“ როლით გაიცნეს. უკანონო შვილი, რომელიც საზოგადოებაში დამკვიდრებას ცდილობდა, მაღალი წრის წარმომადგენელ ორ დას შეუყვარდა. "ველური გული“ პირველი სერიალი გახლდათ, რომელსაც მთელი საქართველო უყურებდა. სერიალი ისეთი პოპულარული იყო, რომ მშობლები გოგონებს მისი მთავარი გმირის, მონიკას გამო - მონიკას არქმევდნენ.
მართალია, იმ წლებში ინტერნეტი ხელმისაწვდომი არ ყოფილა და არც მსახიობების შესახებ იყო შესაძლებელი ბევრი ინფორმაციის მოპოვეა, მაგრამ ხუანის როლის შემსრულებლის, ედუარდო პალომოს გარდაცვალების ამბავი მაინც გავრცელდა საქართველოში. ფანების ნაწილს წლების განმავლობაში ეს ინფორმაცია ჭორი ეგონა.
მექსიკელი მსახიობი 2003 წლის ნოემბერში მოულოდნელად, გულის შეტევით გარდაიცვალა. ლოს-ანჯელესში მეგობრებთან ერთად რესტორანში ვახშმობდა, როდესაც ცუდად გახდა. მსახიობი კლინიკაში გადაიყვანეს და სამედიცინო კვლევებმა აჩვენა, რომ გულის დაავადება მას უკვე რამდენიმე წელია აწუხებდა.
ედუარდო დაქორწინებული გახლდათ მსახიობ კარინა რიკოზე. წყვილმა 1994 წლის ნოემბერში იქორწინა და სიცოცხლის ბოლომდე ერთად იყვნენ. მათ ორი შვილი ჰყავთ, ფიონა ალექსა, რომელიც 1998 წლის ოქტომბერში დაიბადა და 2000 წლის ოქტომბერში დაბადებული ლუკა.
გაგაცნობთ საინტერესო ფაქტებს მსახიობის შესახებ:
ედუარდო პალომო იყო ერთ-ერთი ყველაზე პოპულარული და საზოგადოების საყვარელი მსახიობი მამაკაცი სერიალების სამყაროში.
როდესაც ედუარდო გარდაიცვალა, მისი შვილები სულ რაღაც 3 და 5 წლის იყვნენ.
მსახიობის გარდაცვალებიდან 18 წელზე მეტი გავიდა. მისი ოჯახი, ედუარდოს ყოველთვის სიყვარულით იხსენებს. მსახიობის შვილებმა, ორივემ მამის გზა აირჩია. გააგრძელეთ კითხვა და იხილეთ მსახიობის ოჯახური ფოტოები