"ირკუტსკის ოლქში სამხედრო აღრიცხვისა და გაწვევის ოფისში სროლა იყო" - მედია
ირკუტსკის ოლქის უსტ-ილიმსკის სამხედრო აღრიცხვისა და გაწვევის ოფისში სროლა იყო, - ინფორმაციას რუსული მედია ავრცელებს.
მათივე ცნობით, ადგილობრივმა მცხოვრებმა, 25 წლის რუსლან ზინინმა, რომლის მობილიზება დღეს უნდა განხორციელებულიყო, სამხედრო კომისარი დაჭრა.
თვითმხილველების თქმით, თავდამსხმელმა ცეცხლის გახსნამდე დაიძახა : „არავინ არსად არ წავა“.
სამხედრო აღრიცხვის ოფისში სროლის შესახებ ინფორმაცია რეგიონის გუბერნატორმა, იგორ კობზევმაც დაადასტურა. მისი თქმით, სროლა ახალგაზრდამ მოაწყო, თუმცა მისი ვინაობა არ დაასახელა. გუბერნატორის თქმით, სამხედრო კომისარი ალექსანდრე ელისეევი კრიტიკულ მდგომარეობაში რეანიმაციაში იმყოფება.
IPN