დაკავებულია მამაკაცი, რომელიც მაღაზიის თანამშრომლებს ფიზიკურად გაუსწორდა - რას აცხადებენ შსს-ში?
დაკავებულია მამაკაცი, რომელიც მაღაზიის თანამშრომლებს ფიზიკურად გაუსწორდა. ინფორმაცია AMBEBI.GE-ს შსს-ს პრესსამსახურში დაუდასტურს.
უწყების ცნობით, მამაკაცი დაკავებულია სსკ-ის 239-ე მუხლის თანახმად, რაც ხულიგნობას გულისხმობს.
ცნობისთვის, სოციალურ ქსელში გავრცელდა კადრები, რომელიც "ორი ნაბიჯის" ერთ-ერთ მაღაზიაშია გადაღებული. კადრებში ჩანს, რომ ნასვამი მამაკაცი თანამშრომლებსა და მყიდველებს ფიზიკურად უსწორდება.
გავრცელებული ინფორმაციით, მამაკაცმა მიიჩნია, რომ მას არასწორად დაუანგარიშეს თანხა და ამის გამო მან მაღაზიის თანამშრომლებს ფიზიკური შეურაცხყოფა მიაყენა. ის უხამსი სიტყვებით მიმართავს მაღაზიის თანამშრომლებს, ხოლო კადრებში ჩანს, რომ დაპირისპირებისას ერთ-ერთი ქალბატონი მამაკაცმა თმით ითრია.