"ორი მცირეწლოვანი შვილის თვალწინ მოკლა" - ფემიციდის მორიგი ფაქტი: ვინ იყო თელავში მოკლული 26 წლის ქალი და რას ჰყვებიან მასზე ახლობლები
თელავში მოკლული ახალგაზრდა ქალი 26 წლის მარიამ გამტკიცულაშვილია. ambebi.ge-ს ინფორმაციით, იგი მეგობარმა მამაკაცმა ორი მცირეწლოვანი შვილის თანდასწრებით მოკლა.
"მეგობარი მამაკაცი მუდმივად ემუქრებოდა და ძალადობდა მასზე. ოქტომბრის დასაწყისში შსს-მ კაცი დააკავა, თუმცა 2000 ლარიანი გირაოთი გაათავისუფლეს. დღეს, შუადღისით მიაკითხა სახლში, ჯერ ახრჩობდა, შემდეგ კი დანით სასიკვდილო ჭრილობები ორი მცირეწლოვანი შვილის თვალწინ მიაყენა." - აცხადებს მოკლულის ახლობელი..
შემთხვევის ადგილზე მობილიზებულია პოლიცია, ტერიტორია ყვითელი ლენტით არის შემოსაზღვრული.
არსებული ინფორმაციით, მკვლელობის საქმეზე დაკავებულია ერთი პირი.