"ომი ყოველთვის ცუდია, ყოველდღე ხალხი კვდება - მოდით, ომი შევაჩეროთ და შემდეგ გავარკვევთ, ვინ არის მართალი და ვინ-დამნაშავე" - კვირის პალიტრა

"ომი ყოველთვის ცუდია, ყოველდღე ხალხი კვდება - მოდით, ომი შევაჩეროთ და შემდეგ გავარკვევთ, ვინ არის მართალი და ვინ-დამნაშავე"

ბელარუსის პრეზიდენტის, ალექსანდრე ლუკაშენკოს განცხადებით, უკრაინაში, პირველ რიგში, საომარი მოქმედებები უნდა შეწყდეს და მხოლოდ ამის შემდეგ გაირკვეს, ვინ არის მართალი და ვინ - დამნაშავე.

”ვიცით, რომ ეს ცუდია. ომი ყოველთვის ცუდია. მე ცოტა ხნის წინ ვთქვი, რომ მსოფლიო ახლა პრობლემით არის დაკავებული და ეძებენ პასუხს კითხვაზე, ვინ არის დამნაშავე. მისმინეთ, შემდეგ გავარკვიოთ, ვინ არის დამნაშავე. ყოველდღე ხალხი კვდება. მოდით, ომი შევაჩეროთ და შევთანხმდეთ. შემდეგ კი გავარკვევთ, ვინ არის მართალი და ვინ - დამნაშავე. ალბათ, ეს ნორმალური ფორმულაა", - განაცხადა ლუკაშენკომ.

მისივე მტკიცებით, ბელარუსი არ აპირებს უკრაინის ტერიტორიაზე საომარ მოქმედებებში ჩართვას, მითუმეტეს, რომ ამას არც რუსეთი სთხოვს.

„ჩვენ იქ არავინ მოგვიკავს და არც არავის მოკვლას ვაპირებთ, ჯერ ერთი, არავინ გვთხოვს ამ ოპერაციაში მონაწილეობას, ამ შემთხვევაში რუსეთი, და არც ვაპირებთ მასში ჩართვას“, - აღნიშნა ლუკაშენკომ.