"ტკბილეულით ცდილობდა გოგონა მოეტყუებინა" - არსებული ინფორმაციით, მარნეულში 10 წლის გოგონას გატაცება სცადეს
არსებული ინფორმაციით, მარნეულში, სოფელ წერეთელში, სავარაუდოდ, 10 წლის გოგონას გატაცება სცადეს.
"ტვ პირველის“ ინფორმაციით, 10 წლის მოზარდის სავარაუდო გატაცების ფაქტი საჯარო სკოლასთან 4 დღის წინ მოხდა, როცა გოგონა სკოლიდან შესვენებაზე მაღაზიაში გავიდა, მაღაზიიდან გამოსულს კი უცნობმა მამაკაცმა მანქანა გაუჩერა და ტკბილეულით ცდილობდა გოგონა მოეტყუებინა თითქოს მისმა მშობლებმა გაგზავნეს.
ტელეკომპანიის ინფორმაციით, მოზარდის მშობლები ითხოვენ მამაკაცი გამოავლინონ, რომელიც, სავარაუდოდ, ფორდის მარკის ავტომობილით გადაადგილდებოდა.
როგორც შინაგან საქმეთა სამინისტროში „ინტერპრესნიუსს“ განუცხადეს, გამოძიება სისხლის სამართლის კოდექსის 150-ე მუხლით მიმდინარეობს, რაც იძულებას გულისხმობს.