ვინ არის უკრაინაში, ოკუპანტებთან ომში დაღუპული 23-ე ქართველი მებრძოლი
უკრაინაში, ბახმუტთან დაღუპული ქართველი მებრძოლი 40 წლის გურგენ (გუგა) გაგნიძეა.
ის უკრაინის შეიარაღებული ძალების 25-ე სადესანტო-მოიერიშე ბრიგადაში მსახურობდა, ოცმეთაური იყო და არაერთ ოპერაციაში მონაწილეობდა. ამის შესახებ ინფორმაციას "ოდიშინიუსი" ავრცელებს.
"გუგა გაგნიძე ბახმუტთან, კონტაქტური ბრძოლის დროს, მაშინ დაიღუპა, როცა ჯგუფთან ერთად ტყვეების ასაყვანად დაგეგმილ ოპერაციაში მონაწილეობდა. ჯგუფი "ვაგნერელების" ჩასაფრებაში მოჰყვა. როგორც თვითმხილველები და გადარჩენილი თანამებრძოლები ამბობენ, გუგამ ბოლომდე არ დატოვა ბრძოლის ველი და გმირულად დაეცა." - წერს გამოცემა.
უკრაინაში რუსეთის ომის დაწყებიდან 23 ქართველი სამხედროა გარდაცვლილი.
ambebi.ge