"მე დასი გვერდში მიდგას და თავის სათქმელსაც იტყვის!" - თამარ მაყაშვილის პირველი კომენატარი - რას წერს მსახიობი?
მსახიობი თამარ მაყაშვილი ბათუმის დრამატული თეატრის მიერ მიღებული გადაწყვეტილების შემდეგ, პირველ კომენტარს აკეთებს და მისი სპექტაკლებიდან მოხსნის საკითხზე სოციალურ ქსელში წერს:
"ჩემო კარგებო!
ნუ დავადანაშაულებთ თეატრს გლობალურად!
მე დასი გვერდში მიდგას და თავის სათქმელსაც იტყვის!"
ბათუმის თეატრის ხელმძღვანელის, ნუკრი ქანთარიას გადაწყვეტილებას არაერთგვაროვანი გამოხმაურება მოჰყვა. საზოგადოების ნაწილმა თეატრი ამის გამო გააკრიტიკა. სოციალური ქსელის მომხმარებლების დიდი ნაწილი წერდა, რომ თეატრის მხრიდან ეს გადამეტებული რეაქცია იყო და ბოდიში, რომელიც მსახიობმა მის მიერ გაკეთებული დისკრიმინაციული განცხადების გამო მოიხადა, თეატრის მენეჯმენტს საკმარისად უნდა ჩაეთვალა. საზოგადოების გარკვეულმა ნაწილმა კი თეატრს საკითხის მიმართ დამოკიდებულება მოუწონა.
საქმე შეეხება თამარ მაყაშვილის მიერ "იმედზე“ ერთ-ერთ გადაცემაში გაკეთებულ განცხადებას, სადაც მაყაშვილმა "ხულოელი ბავშვი“ დამაკნინებელ კონტექსტში მოიხსენია, რის გამოც მან მოგვიანებით ბოდიში მოიხადა.