76 წლის შერი 36 წლის რეპერზეა შეყვარებული - წყვილი პაპარაცებთან პირველად გამოჩნდა
მომღერალი, 76 წლის შერი შეყვარებულია. ის მუსიკალურ პროდიუსერსა და რეპერს, 36 წლის ალექსანდერ ედვარდსს ხვდება, რომელიც რეპერ ემბერ როუზის ყოფილი ბოიფრენდია.
ინფორმაციას დასავლური ტაბლოიდები, მათ შორის Daily Mail-ი ავრცელებს. შერისა და ედვარდსის რომანტიკული ურთიერთობა ყურადღების ცენტრში მას შემდეგ მოექცა, რაც დასავლეთ ჰოლივუდში სეირნობისას დააფიქსირეს. ოფიციალურად რომანის შესახებ ინფორმაცია არც ერთ მათგანს არ დაუდასტურებია.
შერიმ და ედვარდსმა ერთად ისადილეს, ხოლო როდესაც პაპარაცები შენიშნეს, ერთმანეთს ხელი ჩაჰკიდეს. მანქანაში ჩაჯდომისას კი ედვარდსმა ქალს ხელზე აკოცა.
ალექსანდერ ედვარდსი ემბერ როუზს 2018 წლის სექტემბრიდან ხვდებოდა. გასული წლის აგვისტოში ედვარდსმა აღიარა, რომ ემბერს თორმეტ ქალთან უღალატა. მისივე თქმით, როდესაც შეყვარებულია, პარალელურად მოსწონს სხვა ქალებიც. ყოფილ ბოიფრენდს ემბერმა "ნარცისი" უწოდა. წყვილს ერთი საერთო ვაჟი ჰყავს, რომელიც 2019 წელს დაიბადა.