"თქვენთვის სამყარო კვარაცხელიას გარშემო ტრიალებს, ჩვენ სხვა ფეხბურთელებიც გვყავს" - რას ამბობს ლუჩანო სპალეტი კვარაცხელიაზე?
იტალიურმა "ნაპოლიმ" გუშინ მნიშვნელოვანი შეხვედრა გამართა "ატალანტასთან" და ანგარიშით 1-2 დაამარცხა. მატჩში ტრავმის გამო, ქართველ ფეხბურთელს, ხვიჩა კვარაცხელიას მონაწილეობა არ მიუღია.
თამაშის შემდეგ გამართულ პრესკონფერენციაზე, "ნაპოლის" მთავარმა მწვრთნელმა სხვა საკითხებთან ერთად ხვიჩა კვარაცხელიას შესახებაც ისაუბრა.
"მძიმე შეხვედრა გამოვიდა. ყველა წერდა, რომ ეს ჩვენთვის მნიშვნელოვანი სამი ქულა იქნებოდა, მაგრამ ნუთუ სხვა სამი ქულა ასე მნიშვნელოვანი არ იქნებოდა?! უფრო გაბედულად უნდა ვიმოქმედოთ და გადაცემებისას ნაკლები შეცდომები დავუშვათ, ამასთან შეტევაში გადასვლას ვეცადოთ.
კვარაცხელიას "ლივერპულთან" შეხვედრის შემდეგ ზურგი სტკიოდა. გუშინ ცხადი გახდა, რომ თამაშს ვერ შეძლებდა, თუმცა იმედი გვქონდა, რომ აღდგენას უფრო მალე მოახერხებდა. ჩავთვალეთ, რომ უკეთესი იქნებოდა, სახლში დარჩენილიყო, თანაც უვარჯიშებელი ფეხბურთელის მოედანზე შეშვება სხვა ფეხბურთელებისთვის არასწორი გზავნილი იქნებოდა.
გასახდელი შესაბამისად რეაგირებს. რას იტყვიან ისინი?!
თუმცა, თქვენთვის სამყარო კვარაცხელიას გარშემო ტრიალებს. ჩვენ სხვა ფეხბურთელებიც გვყავს...იხილეთ სრულად