აშშ-ში, ქალაქ დალასში გამართულ ავიაშოუზე, ორი ისტორიული სამხედრო თვითმფრინავი ერთმანეთს შეეჯახა
აშშ-ში, ქალაქ დალასში გამართულ ავიაშოუზე, ორი ისტორიული სამხედრო თვითმფრინავი ერთმანეთს შეეჯახა.
ამერიკული მედიის ცნობით, ბომბდამშენი B-17 Flying Fortress და მოიერიშე თვითმფრინავი P-63 Kingcobra ერთმანეთს ადგილობრივი დროით დაახლოებით 13:20 საათზე შეეჯახნენ.
ოფიციალურ პირებს არ დაუსახელებიათ, რამდენი ადამიანი იმყოფებოდა ბორტზე, თუმცა, როგორც მედია წერს, ჩვეულებისამებრ, B-17-ის ეკიპაჟი ოთხი ან ხუთი წევრისგან შედგება, ხოლო Kingcobra-ს ერთი პილოტი ჰყავს.
ავიაკატასტროფას აშშ-ის ტრანსპორტის უსაფრთხოების ეროვნული საბჭო გამოიძიებს.
აღსანიშნავია, რომ ორივე თვითმფრინავი მეორე მსოფლიო ომის დროს გამოიყენებოდა.
"ინტერპრესნიუსი"