"იქნებ იმაზეც შეიცხადოთ, "აი, ჯაან სვეცკებმა და პრადვინუტებმა" - როგორ ეხმაურება ალეკო ელისაშვილი სოციალურ ქსელში ატეხილ აჟიოტაჟს, რომელიც სტადიონზე ქართველ მორაგბეთა განლაგებას მოყვა
ნოემბრის მეორე ტესტ-მატჩში საქართველოს მორაგბეთა ნაკრები "დინამო არენაზე“ სამოას დაუპირისპირდა და ანგარიშით - 19:20 დამარცხდა.
პირველ ტაიმი სამოამ 10:6 მოიგო. მეორე ტაიმი სამოელთა უპირატესობით დაიწყო, საჯარიმოთი ანგარიში გაზარდეს. ამას "ბორჯღალოსნების“ მრავალფაზიანი შეტევა, ჩაუთვლელი ლელო, ტაბუცაძის ლელო, აბჟანდაძის გამოუყენებელი გარდასახვა და ვიზავის მოთამაშის ყვითელი ბარათი მოჰყვა.
საქართველოს ნაკრები ინიციატივას სრულად ფლობდა, მეტოქის მორაგბეს წითელი ბარათი მიაღებინეს, აბჟანდაძემ კი საჯარიმო გამოიყენა, მაგრამ დაცვის შეცდომის შედეგად სამოა ლელო-გარდასახვით წინ გავიდა და გაიმარჯვა.
აღსანიშნავია, რომ სამოას მორაგბეებმა მატჩის დაწყებამდე ტრადიციული ჰაკა შეასრულეს, ხოლო მათ საპასუხოდ ქართველი მორაგბეები მოედანზე ისე განლაგდნენ, რომ ჯვრის ფორმა გამოსახეს. სოციალურ ქსელში აღნიშნულს საზოგადოების მხრიდან დიდი გამოხმაურება მოჰყვა.
სტადიონზე ჯვრის ფორმის გამოსახვასთან დაკავშირებით საკუთარი აზრი "ფეისბუქზე" დააფიქსირა პარტია "მოქალაქეების“ ლიდერმა, ალეკო ელისაშვილმა.
"ძალიანაც მომეწონა, ძალიანაც მაგარია ჯვრის ფორმით დგომა! ძაანაც მაგრად მოუფიქრებია ვინც მოიფიქრა! სახელმწიფო დროშაზე ხუთი ჯვარი რომ გვაქვს გამოსახული, იქნებ იმაზეც შეიცხადოთ "აი ჯაან სვეცკებმა და პრადვინუტებმა". ჯვარი როდის აქეთ გახდა ქართველებისთვის მიუღებელი ძაან მაინტერესებს???