რიში სუნაკი ირაკლი ღარიბაშვილს მიმართავს
მივესალმები უკრაინისადმი საქართველოს მხარდაჭერას, - ამის შესახებ დიდი ბრიტანეთისა და ჩრდილოეთ ირლანდიის გაერთიანებული სამეფოს პრემიერ-მინისტრი რიში სუნაკი საქართველოს პრემიერ-მინისტრ ირაკლი ღარიბაშვილისადმი მიწერილ წერილში აღნიშნავს.
"ამ უკანონო ომმა უხეშად შეგვახსენა ის საფრთხე, რომელსაც რუსეთი უქმნის საერთაშორისო სამართლის ფუძემდებლურ პრინციპებს, მათ შორის ტერიტორიულ მთლიანობას“, - ნათქვამია წერილში.
ამასთან, რიში სუნაკი აღნიშნავს, რომ ურყევია გაერთიანებული სამეფოს მხარდაჭერა უკრაინისადმი, ისევე როგორც საქართველოსადმი.
"ინტერპრესნიუსი"