ავარიის შედეგად ორი ადამიანი დაიღუპა
ბათუმი-გონიოს დამაკავშირებელ გზაზე, ავტოსაგზაო შემთხვევის შედეგად, ორი ადამიანი ადგილზე დაიღუპა, ხოლო ერთი დაშავდა.
შემთხვევა გვიან ღამით მოხდა. არსებული ინფორმაციით, მსუბუქი ავტომობილი ხეს შეეჯახა.
როგორც სასწრაფო-სამედიცინო სამსახურში აცხადებენ, ავტოსაგზაო შემთხვევისას ერთი დაშავებული ბათუმის სამედიცინო ცენტრში გადაიყვანეს.
ადგილზე სამართალდამცავები იყვნენ მობილიზებული.
"ინტერპრესნიუსი"