"ჩვენამდე მოვიდა ინფორმაცია, უმძიმეს პროვოკაციას გეგმავენ ცხინვალის და აფხაზეთის მიმართულებით" - რას აცხადებს მიხეილ ყაველაშვილი
ჩვენამდე მოვიდა ინფორმაცია, რომ რადიკალური ოპოზიციის რიგი წარმომადგენლები არასაპარლამენტო ოპოზიციიდან, მათ შორის, ყოფილი ხელისუფლების ერთ- ერთი მაღალჩინოსანი, უმძიმეს პროვოკაციას გეგმავენ ცხინვალის და აფხაზეთის მიმართულებით, - ამის შესახებ ჟურნალისტებთან უმრავლესობის წევრმა, „ხალხის ძალის“ დეპუტატმა მიხეილ ყაველაშვილმა განაცხადა.
როგორც მან აღნიშნა, პროვოკაციას ქვეყანაში დესტაბილიზაციის მიზანი აქვს.
"მინდა გავაფრთხილო ეს მავნებლები, წინააღმდეგ შემთხვევაში თუ ისინი ამ მავნებლურ ქმედებაზე არ იტყვიან უარს, გაჟღერდება მათი სახელები და გვარები. მათი მიზანია ამის შედეგად მოხდეს დესტაბილიზაცია საქართველოში, აირიოს სიტუაცია და ის გეგმა, რაც აქამდე არსებობდა, ამ სახით მიაღწიონ შედეგს. ვაფრთხილებ, დასახელდება მათი გვარები და იქნება რეაგირება,"- განახადა ყაველაშვილმა.
IPN