"გუშინ ქუჩაში გოგონა მლანძღავდა და მომაძახა, ამიტომაც გაგექცა ქმარიო. ამიტომ ვწერ, კიდევ რომ არ მომაძახოთ" - რას წერს ნანიკო ხაზარაძე ლევან მათითაშვილთან დაშორებაზე
ლევან მათითაშვილი და ნანიკო ხაზარაძე დაშორდნენ. ამის შესახებ ჟურნალისტი სოციალურ ქსელში ვრცელ პოსტს აქვეყნებს.
ნანიკო ხაზარაძე:
"მეც შევაჯამებ წელს, წელს კი არა 10 წელს. ძალიან უცნაური ურთიერთობა დასრულდა, თან ზუსტად ისე დასრულდა, როგორც დაიწყო. მართლა არ ვიცი როდის და როგორ დაიწყო, არც ის ვიცი როდის შევხვდი პირველად, არც ის ვიცი როდის დავიწყეთ ერთად ცხოვრება, არ ვიცი! არც ერთი თარიღი არ ვიცი, არცერთი!
ვიცი მხოლოდ ბევრი ვიბრძოლეთ და ვიბრძოლე ამ ყველაფრისთვის არც ახლა ვიცი როდიდან და როგორ არ ვართ ერთად. მხოლოდ ერთი რამე ვიცი ზუსტად, ჩვენი შეხვედრა აუცილებელი იყო, თუ რატომ ეს ორივემ კარგად ვიცით და არ ვიცოდით მაშინ, მხოლოდ ვგრძნობდი მე და ამას სულ ვეუბნებოდი ლევანს, ვეუბნებოდი რომ ის ძალიან შეიცვლებოდა, დავნიძლავდით კიდეც, ალბათ ამიტომაც დავიწყეთ ურთიერთობა დიდი წინაღობის მიუხედავად.
ჩვენ ფოტოც კი არ გვაქვს, სადაც ის ან მე ვკოცნით ერთმანეთს, ან თუნდაც ვეხუტებით. ლევანის მშობლები, მგონი, შარშანწინ გავიცანი... არც ქორწილი, არც არაფერი….. ლევანი დეიდაჩემს და დეიდაშვილებს ახლაც კი არ იცნობს, მართლა უცნაურია. არა და, არა და, არა და… იყო და არა იყო რა, აბა შენ იცით ლევან, კარგი სპეციალისტი ხარ და გააგრძელე ხალხის დახმარება.
ლევან, თეა, წარმატება ახალ საქმეში. აბა მე ვიცი... გუშინ ქუჩაში გოგონა მლანძღავდა და მომაძახა, ამიტომაც გაგექცა ქმარიო. ამიტომ ვწერ, კიდევ რომ არ მომაძახოთ. ამით ვასრულებ წელს და გაურკვევლობას...
ნანიკო ხაზარაძემ ოჯახი 2019 წელს შექმნა. მაშინ წყვილი ტელეეთერში ყვებოდა, რომ დიდი ხანია რაც ერთმანეთს იცნობდნენ, თუმცა ბედი ერთმანეთს ცოტა ხნის წინ დაუკავშირეს და ურთიერთობის შესახებაც პირველად ალაპარაკდნენ.
ნანიკოს მთელი ცხოვრებაა ვადევნებ თვალყურს, ალბათ, როგორც მთელი საქართველო და სულ მომწონდა..." - აღნიშნა საუბრისას ლევან მათითაშვილმა.
ლევან მათითაშვილმა გაიხსენა, რომ ნანიკო ხაზარაძის ბებია, ფატი თურქია ბავშვობაში მისი ექიმი იყო და ფაქტობრივად, "ნანიკოს ბებიის გაზრდილია". კაცის თქმით, ნანიკო საკუთარი თავის პოვნაში დაეხმარა და ძალიან შეცვალა მისი ცხოვრება.
ლევან მათითაშვილი ცნობილი პლასტიკური ქირურგის, კოტე მათითაშვილის ძმაა. თავად კი სამი წელია, რაც ერთ-ერთი ნარკოლოგიური დამოკიდებულების მკურნალობის ცენტრის ინსტრუქტორ-კონსულტანტია...