"ჩემო სულო, ჩემო მეგობარო, ჩემო სიყვარულო..." - ვინ არის ქართველი გოგო, რომელზეც სოფი ლორენის ვაჟია შეყვარებული?
სოფი ლორენს ქართველი სარძლო ჰყავს, ამის თაობაზე ინფორმაცია "რუსთავი 2“-მა გაავრცელა. ლეგენდარული მსახიობის ვაჟი, კარლო პონტი ზუმბას ფიტნესინსტრუქტორ მარიამ შარმანაშვილზეა შეყვარებული. წყვილის რომანი უკვე თითქმის 2 წელია გრძელდება, ყველაფერი კი სოციალურ ქსელში 2021 წლის 14 მარტს მარიამის ფოტოზე მიწერილი კომპლიმენტით დაიწყო.
კარლო პონტი-უმცროსი საყვარელ ქალს საქართველოში ხშირად აკითხავს. როგორც გაირკვა, გასული წლის ბოლოს, 29 დეკემბერს, ნიაზ დიასამიძის კონცერტსაც დაესწრო თბილისში. ახალ წელს კი დიღმის მასივში შეხვდა.
წყვილი მედიასთან არ საუბრობს. მივა თუ არა ქორწილამდე მათი ურთიერთობა, უცნობია. მარიამს პირველი ქორწინებიდან მცირეწლოვანი ვაჟი ჰყავს. ის შვილთან ერთად ხშირად მოგზაურობს და სოციალურ ქსელში მარიამის ვაჟისა და კარლო პონტის საერთო ფოტოებიც იძებნება.
რაც შეეხება 54 წლის წლის პონტის, ის დაოჯახებული იყო უნგრელ ქალ ანდრეა მეზაროსიზე. მათი ქორწილი 2004 წლის 18 სექტემბერს შედგა. ჰყავთ 2 შვილი - ვიტორიო და ბეატრის ლარა.
კარლო პონტი საქართველოში პირველად 2016 წელს ქართველო მეცო სოპრანოს ნინო სურგულაძის მოწვევით ჩამოვიდა. პონტი მისი თაობის ერთ-ერთი ყველაზე ნიჭიერი დირიჟორად მიიჩნევა. მან ძალიან მოკლე დროში შეძლო საერთაშორისო ავტორიტეტის მოპოვება. მისი მუსიკალური ცხოვრება პარიზში, 8 წლის ასაკში დაიწყო. "ინსტაგრამზე" მარიამი შეყვარებულის ფოტოს აქვეყნებს, რომელზეც კარლო პონტი უწერს:
"ჩემო სულო, ჩემო მეგობარო და ჩემო სიყვარულო... სამუდამ და ყოველთვის".
განაგრძეთ კითხვა და იხილეთ ფოტო/ვიდეო მასალა ლინკზე