"ვახ­ტან­გი მძი­მე წუ­თებს გა­დი­ო­და, რეანიმაციაში გარდაიცვალა... " - ბუბა კიკაბიძეს სოსო პავლიაშვილი და ალა პუგაჩოვა ემშვიდობებიან - კვირის პალიტრა

"ვახ­ტან­გი მძი­მე წუ­თებს გა­დი­ო­და, რეანიმაციაში გარდაიცვალა... " - ბუბა კიკაბიძეს სოსო პავლიაშვილი და ალა პუგაჩოვა ემშვიდობებიან

ვახ­ტანგ კი­კა­ბი­ძის გარ­დაც­ვა­ლე­ბას რუ­სუ­ლი მე­დია აქ­ტი­უ­რად ეხ­მა­უ­რე­ბა. მე­დი­ა­ში წე­რენ, რომ ის გან­სა­კუთ­რე­ბუ­ლად უყ­ვარ­დათ­რუს ხალ­ხს და რომ "მი­მი­ნო“ გაფ­რინ­და. მე­დი­ა­ში ვრცელ­დე­ბა მომ­ღერ­ლის მე­გობ­რე­ბის კო­მენ­ტრე­ბი.

"ბოლო ათი წე­ლია უკვე დი­ა­ლიზ­ზეა. რო­გორც ჩანს, მისი სხე­უ­ლის რე­სურ­სე­ბი სა­ბო­ლო­ოდ ამო­ი­წუ­რა. ის რე­ა­ნი­მა­ცი­ა­ში გარ­და­იც­ვა­ლა“, - ამ­ბობს ბუბა კი­კა­ბი­ძის მე­გო­ბა­რი ნანა კე­ლაპტ­რიშ­ვი­ლი.

მისი თქმით, ექი­მებ­მა ყვე­ლა­ფე­რი გა­ა­კე­თეს. თუმ­ცა მომ­ღერ­ლის გულ­მა ვერ გა­უძ­ლო."ახლა სა­ა­ვად­მყო­ფო­ში ვართ. ჩვენს მდგო­მა­რე­ო­ბა სი­ტყვე­ბით ვერ გად­მოვ­ცემთ. ეს არის უზარ­მა­ზა­რი მწუ­ხა­რე­ბა. ვახ­ტან­გი მძი­მე წუ­თებს გა­დი­ო­და. გას­ტრო­ლებ­ზეც კი იძუ­ლე­ბუ­ლი ხდე­ბო­და, ყო­ველ მე­ო­რე დღეს დი­ა­ლი­ზი გა­ე­კე­თე­ბი­ნა. მხო­ლოდ სცე­ნა­ზე გრძნობ­და თავს კარ­გად“, - ამ­ბობს კე­ლაპტ­რიშ­ვი­ლი.

სოსო პავ­ლი­აშ­ვი­ლის გან­ცხა­დე­ბით, კი­კა­ბი­ძე დიდი საბ­ჭო­თა მსა­ხი­ო­ბი იყო. მისი თქმით, მან ფილ­მებ­ში აჩ­ვე­ნა თა­ვი­სი სა­უ­კე­თე­სო ადა­მი­ა­ნუ­რი თვი­სე­ბე­ბი.

"ეპო­ქა, რო­მელ­მაც ჩვე­ნი ცხოვ­რე­ბა, გან­სა­კუთ­რე­ბით საბ­ჭო­თა კავ­ში­რის დროს, უკე­თე­სი, ლა­მა­ზი, სუ­ლი­ე­რი გა­ხა­და, წა­ვი­და“, - გა­ნუ­ცხა­და პავ­ლი­აშ­ვილ­მა Gazeta.ru-ს.

"ის იმ ეპო­ქის კაცი იყო, რო­დე­საც სი­კე­თეს, მე­გობ­რო­ბას, წე­სი­ე­რე­ბას აფა­სებ­დნენ. ყო­ველ­თვის მა­ო­ცებ­და მისი სა­მუ­შაო ეთი­კა, მისი გულ­წრფე­ლო­ბა. მახ­სოვს, რო­გორ თბი­ლად მე­პყრო­ბო­და. ბუბა კი­კა­ბი­ძე, ნანი ბრეგ­ვა­ძე, - ეს ის ფე­ნო­მე­ნე­ბია, ვის­თან ერ­თა­დაც და­ვი­წყე და ამის შემ­დეგ უკვე შევ­ქმე­ნი ჩემი. ბუ­ბა­ზე უკე­თე­სი სა­დღეგ­რძე­ლო არ ვი­ცო­დი.

მისი ღი­მი­ლი ყო­ველ­თვის იქ­ნე­ბა ჩემს გულ­ში, ჩემ თვალ­წინ. სამ­ძი­მარს ვუ­ცხა­დებ არა მარ­ტო ქარ­თველ ხალ­ხს, არა­მედ საბ­ჭო­თა, რუ­სუ­ლე­ნო­ვან ხალ­ხსაც“, - დას­ძი­ნა პავ­ლი­აშ­ვილ­მა.

კი­კა­ბი­ძის გარ­დაც­ვა­ლე­ბას გა­მო­ეხ­მა­ურ­ნენ მაქ­სიმ გალ­კი­ნი და ალა პუ­გა­ჩო­ვა:

"კი­დევ ერთი შე­უც­ვლე­ლი და­ნა­კარ­გი. რა დღე­ე­ბია... ჩვე­ნი ძვირ­ფა­სი ვახ­ტანგ კი­კა­ბი­ძე წა­ვი­და უკე­თეს სამ­ყა­რო­ში. დიდი ნი­ჭის და ღირ­სე­ბის კაცი. ახლა სა­ქარ­თვე­ლო­ში უნდა გვე­ნა­ხა ერ­თმა­ნე­თი. უღ­რმე­სი სამ­ძი­მა­რი ჩემ­გან და ალას­გან ოჯახ­სა და მე­გობ­რებს,“ - წერს გალ­კი­ნი.