რას აცხადებს შსს რუსთაველზე მომხდარ ავარიაზე, რომელსაც სოფო ბერიძის სიცოცხლე ემსხვერპლა - კვირის პალიტრა

რას აცხადებს შსს რუსთაველზე მომხდარ ავარიაზე, რომელსაც სოფო ბერიძის სიცოცხლე ემსხვერპლა

შს სამინისტრო მიმართავს მაქსიმალურ ძალისხმევას, რომ რუსთაველის გამზირზე მომხდარ ავტოსაგზაო შემთხვევასთან დაკავშირებული საქმე დროულად იქნას გამოძიებული და დამნაშავე წარდგეს მართლმსაჯულების წინაშე, - ამის შესახებ შინაგან საქმეთა სამინისტროს განცხადებაშია ნათქვამი.

უწყების განმარტებით, ინციდენტში მონაწილე სამივე მძღოლი გამოკითხულია, თუმცა ბრალის წარდგენა მხოლოდ შესაბამისი ექსპერტიზების დასრულების შემდეგაა შესაძლებელი.

„მიმდინარე წლის 24 იანვარს, თბილისში, რუსთაველის გამზირზე მომხდარ ავტოსაგზაო შემთხვევასთან დაკავშირებით, გამოძიება სსკ-ს 276-ე მუხლის მე-5 ნაწილით დაიწყო.

გამოძიების ფარგლებში დაინიშნა ტრასოლოგიური, ავტოტექნიკური და სასამართლო-სამედიცინო ექსპერტიზები, რომელთა დასკვნების საფუძველზე, საგამოძიებო ორგანოს ექნება მტკიცებულებათა ერთობლიობა, რათა ავტოსაგზაო შემთხვევაში დამნაშავე პირის მიმართ განხორციელდეს კანონის შესაბამისი ღონისძიებები.

რაც შეეხება ავტოსაგზაო შემთხვევაში მონაწილე სამივე მძღოლს, მომხდართან დაკავშირებით ისინი პოლიციის მიერ მოწმის სახით გამოიკითხნენ.

საზოგადოების ინფორმირებისთვის კიდევ ერთხელ განვმარტავთ, რომ, კანონის თანახმად, ავტოსაგზაო შემთხვევაში ბრალეული პირის გამოკვეთა და მისთვის ბრალის წარდგენა მხოლოდ შესაბამისი ექსპერტიზების დასრულების შემდეგაა შესაძლებელი.

შს სამინისტრო მიმართავს მაქსიმალურ ძალისხმევას, რომ აღნიშნული საქმე დროულად იქნას გამოძიებული და დამნაშავე წარდგეს მართლმსაჯულების წინაშე“, - ნათქვამია შინაგან საქმეთა სამინისტროს განცხადებაში.

იხილეთ ასევე: "თბილისში ძმასთან ჩავიდა, მერე გუდაურში აპირებდა ასვლას, მაგრამ..." - საზარელ ავარიას შეწირული კიდევ ერთი ლამაზი სიცოცხლე