"ვინ იყვნენ კირა ანდრონიკაშვილის ვარსკვლავი მამიდები, რომელთა მთავარ სიყვარულად კინო იქცა" - კვირის პალიტრა

ეკა გადახაბაძე

ცნო­ბი­ლი მსა­ხი­ო­ბი, ულა­მა­ზე­სი კირა ან­დრო­ნი­კაშ­ვი­ლი 15 ნო­ემ­ბერს 78 წლის გახ­და. სო­ცი­ა­ლუ­რი ქსე­ლი მო­იც­ვა უახ­ლეს­მა ფო­ტო­სე­სი­ამ, სადაც მსახიობი საუცხოოდ გამოიყურება. ჯერ კიდევ იქამდე, ვიდრე საზოგადოება კირა ანდრონიკაშვილს გაიცნობდა, მაყურებელი მსახიობის ორ ვარსკვლავ მამიდას იცნობდა, მათ დიდი კვალი დატოვეს ქართულ კინემატოგრაფიაში.

უფროსი კირა ანდრონიკაშვილი ნატო ვაჩნაძის და გახლდათ. ის მუნჯი კინოს შედევრში - "ელისო" მთავარ როლს ასრულებს. მისმა მეუღლემ გერმანული წარმოშობის რუსმა პოეტმა - ბორის პილნიაკმა სტალინს მწერლების დასაცავი წერილი მისწერა, რის გამოც, 1937 წელს დახვრიტეს, კირა კი ასტანაში სამშობლოს მოღალატეების ცოლების ბანაკში გადაასახლეს, ჩამოაშორეს მის ოჯახს და კინოს.

ნატო ვაჩნაძე ქართველი კინოვარსკვლავი, კირა ანდრონიკაშვილი მამიდა გახლდათ, მსახიობი მასთან ბოლო შეხვედრასაც იხსენებდა:

"ჩვე­ნი ბოლო შეხ­ვედ­რა 2 ივ­ნისს შედ­გა, მა­მა­ჩე­მის და­ბა­დე­ბის დღის მე­ო­რე დღე იყო, პირ­ველ­ში ვერ შეძ­ლო მოს­ვლა, ორში სახ­ლში ვი­ყა­ვით ყვე­ლა, სტუმ­რე­ბი არ გვყავ­და, რო­გორც ყო­ველ­თვის ღია გვქონ­და კარი და უცებ ქვე­მო­დან რა­ღაც ხმა­უ­რი და ჩოჩ­ქო­ლი შე­მოგ­ვეს­მა: ნატო მო­დის, ნატო მო­დის, ასე ხდე­ბო­და ხოლ­მე, რო­დე­საც მო­დი­ო­და ჩვენ­თან - ყვე­ლა მე­ზო­ბე­ლი გა­რეთ იყო, ელო­დე­ბოდ­ნენ, რო­გორ ამო­ვი­დო­და ფე­ხით მე­ო­თხე სარ­თულ­ზე, რო­გორ გა­ჩერ­დე­ბო­და ყვე­ლა მათ­გან­თან, და­ე­ლა­პა­რა­კე­ბო­და მო­ი­კი­თხავ­და, ზოგ მათ­განს შე­იძ­ლე­ბა არც იც­ნობ­და, მაგ­რამ უყუ­რა­დღე­ბოდ არა­ვის და­ტო­ვებ­და.

გა­და­ვი­ხე­დე ფან­ჯრი­დან და და­ვი­ნა­ხე, რო­გორ უახ­ლოვ­დე­ბო­და ნატო ჩვენ სახ­ლს ია­სამ­ნე­ბის დიდი თა­ი­გუ­ლით… მახ­სოვს ფე­ხის ხმა, რო­გორ ამო­ვი­და, შე­მო­ვი­და და გვი­თხრა, სულ მე მოვ­დი­ვარ თქვენ­თან, ამის მერე თქვენ ია­რეთ ჩემ­თა­ნო, გაგ­ვი­ღი­მა, მა­მას მი­უ­ლო­ცა და­ბა­დე­ბის დღე, ჩაი და­ლი­ეს, ისა­უბ­რეს…

შემ­დეგ თქვა, დაღ­ლი­ლი ვარ ძა­ლი­ან, წა­მოვ­წვე­ბი ცოტა ხნი­თო, შე­ვი­და სა­ძი­ნე­ბელ­ში და წა­მოწ­ვა. ამ დროს დე­დამ და­მი­ძა­ხა და მი­თხრა: და­ი­მახ­სოვ­რე შენი მა­მი­დაო, შე­ვე­დი ოთახ­ში და იწვა, ჩას­ძი­ნე­ბო­და, ღა­მის ნა­თუ­რა ენთო ოთახ­ში და ნა­ტოს მთე­ლი სი­ლა­მა­ზე, პრო­ფი­ლი, თმე­ბი, წამ­წა­მე­ბი კე­დელ­ზე ირეკ­ლე­ბო­და ძა­ლი­ან ლა­მა­ზად!

ეს მო­მენ­ტი მახ­სოვს - რო­გორ ვი­დე­ქი და ვაკ­ვირ­დე­ბო­დი მძი­ნა­რე მა­მი­დას. შემ­დეგ ჩუ­მად გა­მო­ვე­დი ოთა­ხი­დან, და­ახ­ლო­ე­ბით ნა­ხე­ვა­რი სა­ა­თი ეძი­ნა, სა­ნამ ჩვენ­გან წა­ვი­დო­და, გვი­თხრა, მე მოს­კოვ­ში უნდა წა­ვი­დე, მაგ­რამ 14-ში აქ ვარო" - იხსენებდა ერთ-ერთ ინტერვიუში მსახიობი.

წაიკითხეთ ასევე: "განსაკუთრებული მნიშვნელობა აქვს განწყობას, 15-წუთიან დასვენებას და ჩაის ძალას..." - რჩევები სილამაზის შესახებ ყველა დროის ულამაზესი ქართველი ქალისგან

"ცხოვრებაში ბევრი დარდიც მქონია, ცრემლიც, მაგრამ ყველაფერს გულში ვინახავდი და ხშირად არც ვიმჩნევდი"