"სოსო აღარ არის, გული ამომეგლიჯა..." - გარდაიცვალა მსახიობი და რეჟისორი სოსო ჯაჭვლიანი
65 წლის ასაკში გარდაიცვალა მსახიობი, რეჟისორი, სპორტსმენი (მკლავჭიდი) და ყოფილი დეპუტატი, სოსო ჯაჭვლიანი. ამის შესახებ ინფორმაციას ოჯახის ახლობელი - ხათუნა მიქაცაძე სოციალურ ქსელში ავრცელებს:
"წავიდა... ოღონდ ასე გულნატკენი არ წასულიყო... გული ამომეგლიჯა", - წერს ის.
"მეუღლეს ვესაუბრე თურქეთში და მითხრა, რომ აღარ არის", - განუცხადა ხათუნა მიქაცაძემ ambebi.ge-ს.
როდის ჩამოასვენებენ მსახიობს სამშობლოში და სხვა დეტალები ამ დროისთვის უცნობია.
ასევე დაგაინტერესებთ:
"რომ უნდა ავფრენილიყავი, იმის მერე სულ ჭაობში ვარ!"
ცნობისათვის:
სოსო ჯაჭვლიანი დაიბადა მესტიაში, 1958 წლის 5 ივნისს. 1978 წელს დაამთავრა საქართველოს სახელმწიფო ფიზიკური კულტურის ინსტიტუტი, ხოლო 1991 წელს შოთა რუსთაველის სახელობის საქართველოს სახელმწიფო თეატრალური ინსტიტუტის კინოსარეჟისორო ფაკულტეტი. იყო შოთა რუსთაველის სახელობის თეატრალური უნივერსიტეტის რეჟისორი, საერთაშორისო კინოფესტივალების ჯილდოების მფლობელი, კინოსტუდია „ქართული ფილმის“ სამეთვალყურეო საბჭოს თავმჯდომარე, საქართველოს მკლავჭიდის ფედერაციის პრეზიდენტი, მსოფლიოს და ევროპის ჩემპიონი მკლავჭიდში. 2012-2016 წლებში იყო საქართველოს მე-8 მოწვევის პარლამენტის წევრი (თბილისის გლდანის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“.
გარდაიცვალა 2024 წლის 8 თებერვალს, მძიმე სენის შედეგად. ბოლო წლების განმავლობაში, ჯაჭვლიანი მძიმე დაავადებას ებრძოდა და კლინიკაში მკურნალობდა. ის სამკურნალოდ თურქეთში წაიყვანეს. მეგობრები ამბობდნენ, რომ თავს უკეთ გრძნობდა, თუმცა როგორც ჩანს, დაავადებას ვერ მოერია.