ცნობილია ვერაზე მოკლული ბიჭის ვინაობა - უმძიმესი დანაშაულის დეტალები
უმძიმესი დანაშაული მოხდა გუშინ თბილისის ცენტრში. შეიარაღებულმა პირმა ოთხი ადამიანი დაჭრა, მათ შორის ორი არასრულწლოვანი. სროლის დროს დაჭრილი ერთ-ერთი არასრულწლოვანი კლინიკაში გარდაიცვალა.
AMBEBI.GE-ს ინფორმაციით, გარდაცვლილი 2008 წელს დაბადებული ნიკოლოზ ღუნაშვილია.
"მოყვანილ იქნა სასწრაფო დახმარების მიერ ახალგაზრდა მამაკაცი ცეცხლსასროლი ჭრილობით. სამწუხაროდ, ტრავმა სიცოცხლესთან შეუთავსებელი იყო" - განაცხადა გადაუდებელი მედიცინის დეპარტამენტის ხელმძღვანელმა, ირაკლი ფირცხალაიშვილმა.
თვითმხილველი, ელენე ქორიძე ამბობს: "კაცმა მანქანაში მჯდომ 17-18 წლის სამ ბიჭს ცეცხლი გაუხსნა უბრალოდ იმის გამო, რომ იცინოდნენ, შემდეგ კი შორიახლოს მყოფ ქალსაც ესროლა".
ტვ "იმედის" ინფორმაციით, თავდამსხმელმა „დაკავებისას პოლიციელებს შეიარაღებული წინააღმდეგობა გაუწია“.ვერაზე მომხდარი დაჭრისა და მკვლელობის ფაქტზე „ინტერპრესნიუსისთვის“ ახალი დეტალები ხდება ცნობილი.
არსებული ინფორმაციით, თავდაპირველად შელაპარაკება დაკავებულ ნიკა კაპანაძის დედასა და დაჭრილებს შორის მოხდა. კერძოდ კი, კაფიდან გამოსულ ახალგაზრდებს, რომელთა ავტომანქანაც დაკავებულის საცხოვრებელი სახლის წინ იდგა, ქალმა შენიშვნა მისცა. არსებული ინფორმაციით, სწორედ აღნიშნულის შემდეგ განახორციელა დაკავებულმა გასროლა.
როგორც ირკვევა, ავტომანქანაში მყოფი ოთხი პირიდან ცეცხლსასროლი იარაღიდან გასროლილი ტყვია სამს მოხვდა, მძღოლი კი არ დაშავებულა.
რაც შეეხება მეოთხე დაჭრილს, ის ტაქსით გადაადგილდებოდა, რა დროსაც მას გასროლილი ტყვია მოხვდა.
რაც შეეხება დაკავებულს, ის კლინიკაშია გადაყვანილი, ვინაიდან, როგორც შინაგან საქმეთა სამინისტრო აცხადებს, მან დაკავებისას დაზიანება მიიღო, რადგან უწყების ცნობით, სამართალდამცველებს შეიარაღებული წინააღმდეგობა გაუწია.
შსს-ს განცხადება:
"შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ორი ან მეტი პირის მიმართ დამამძიმებელ გარემოებებში ჩადენილი განზრახ მკვლელობის მცდელობის ბრალდებით, ერთი პირი ცხელ კვალზე დააკავეს. განაგრძეთ კითხვა