რუსეთის საგამოძიებო კომიტეტი: "ასაფეთქებელი მოწყობილობის ამოქმედება შეეძლო მამაკაცს, რომლის ცხედარი მესამე ვაგონში აღმოაჩინეს"
რუსეთის საგამოძიებო კომიტეტის ინფორმაციით, ნაპოვნია იმ პირის ცხედარი, რომელმაც სანკტ-პეტერბურგის მეტროპოლიტენში სავარაუდოდ აფეთქება განახორციელა.
როგორც რუსეთის საგამოძიებო კომიტეტის ოფიციალურმა წარმომადგენელმა სვეტლანა პეტრენკომ განაცხადა, „სანკტ-პეტერბურგის მეტროპოლიტენში ასაფეთქებელი მოწყობილობის ამოქმედება შეეძლო მამაკაცს, რომლის ცხედარი მესამე ვაგონში აღმოაჩინეს“.
„მისი ვინაობა დადგენილია“, - აღნიშნა სვეტლანა პეტრენკომ.
მისივე თქმით, გამოძიების ინტერესებიდან გამომდინარე, მონაცემები სავარაუდო თვითმკვლელის შესახებ არ გასაჯაროვდება.
აღსანიშნავია, რომ სანკტ-პეტერბურგის მეტროპოლიტენში მომხდარი ტერაქტის სავარაუდო შემსრულებლის ვინაობა დღეს ყირგიზეთის სპეცსამსახურებმა დაასახელეს.
ყირგიზეთის ეროვნული უსაფრთხოების სახელმწიფო კომიტეტის განცხადებით, სანკტ-პეტერბურგში ტერაქტის სავარაუდო შემსრულებელი აკბარჟონ ჯალილოვია, რომელიც 1995 წელს ქალაქ ოშში დაიბადა, ახლა კი რუსეთის მოქალაქეა.
იხილეთ ასევე: ვინ არის სანკტ-პეტერბურგის მეტროში ტერაქტის სავარაუდო შემსრულებელი?
"ინტერპრესნიუსი"